ബെംഗളൂരു : ലോക്ക്ഡൗൺ മൂലം കുടുങ്ങിക്കിടന്ന മലയാളികളെ അവരുടെ സ്വന്തം നാട്ടിലേക്ക് സൗജന്യമായി എത്തിക്കുക എന്നുള്ള ദൗത്യവുമായി കർണാടക പ്രദേശ് കോൺഗ്രസ് കമ്മിറ്റിയുടെ നേതൃത്വത്തിൽ ഇന്നലെ 8 ബസുകൾ കേരളത്തിലേക്ക് അയച്ചു.
കർണാടക ആർ.ടി.സിയിൽ നിന്ന് 41 രൂപ നിരക്കിൽ വാടകക്കെടുത്ത 5 ബസുകൾ നാട്ടിലേക്ക് തിരിച്ചു.
വാളയാർ വഴി എറണാകുളത്തേക്ക് 2 ബസുകൾ, കുമളി വഴി കോട്ടയം, പത്തനംതിട്ട, മഞ്ചേശ്വരം വഴി കാസർകോട് എന്നിവിടങ്ങളിലേക്ക്് ഓരോ ബസ് വീതം എന്നിങ്ങനെയായിരുന്നു ഇന്നലത്തെ സർവീസ്. 135 പേർ ഇതിൽ യാത്ര ചെയ്തു.
പുറമെ കേരള സമാജം വഴി ബുക്ക് ചെയ്ത 3 സ്വകാര്യ ബസുകളും കെ.പി.സി.സി ഏറ്റെടുത്ത് സൗജന്യ സർവ്വീസ് ആക്കി മാറ്റി, ഇതിൽ 75 പേർക്ക് വാളയാർ കുമളി ചെക്ക് പോസ്റ്റുകളിൽ എത്താൻ കഴിഞ്ഞു.
ആകെ 210 പേരെയാണ് നാട്ടിലെത്തിക്കുന്നത്.
കഴിഞ്ഞ ആഴ്ച സർവ്വീസ് നടത്തിയത് അടക്കം ഇതു വരെ 9 സർവീസുകൾ കെ. പി.സി.സി നടത്തിക്കഴിഞ്ഞു.
രണ്ട് സംസ്ഥാനത്തേയും പാസ് ഉള്ളവർക്ക് Help line No : 7531888888,9120777777 നമ്പറിൽ ബന്ധപ്പെടാം.
